Patay ng nakaplagan ang usa ka kidnap victim sa dihang naka engkwentro sa 42 nd Infantry Battalion ang armadong grupo ug kasamtangang naghawid pa karon sa mga hostage.
Gi butyag ni Zamboanga del norte, OIC Provincial Director Senior Supt. Raul Tacaca, ang namatay mao si Mario Rosales, naila usab kining Mario Ungok, gabasiro sa nahisgutan nga lugar ug didto kini mismo nakita sa sitio Kabatunayan, Brgy. Panabutan sakop sa lungsod sa Sirawai nga walay na kini kinabuhi.
Na rekober ang patayng lawas ni Rosales uban ang garand rifle ug 45 nga pistola diin didto nagka engkwentro ang tropa sa gobyerno ug armadong grupo. Positibo usab kining giila sa iyang employer matod pa ni Tacaca.
Sa pagkakaron, naa pa gihapon sa kamot sa armadong grupo ang Upat ka biktima nga sila si Jojo Mantangan, 33; Roger Jongan, 37; Reymon Furesima, 14; ug Jemar Maglangit, 29.
Ang lima ka mga ge hostage, pulos kini residente sa brgy. San Vicente, sa maong lungsod.
Una naman kining gikataho nga nawala niadtong Marso 3 adlawng Sabado, human magpahigayon unta ug pagpamutol ug kahoy didto sa bukirong bahin sa brgy. Panabutan.
Niadtong adlawng lunes, gikompirma kini sa mga tinugyanan sa balaod nga ang grupo ni Jamilon Wahab ug Bating Lumaguis ang midagit human mitawag pinaagi sa cellphone, aron ipatubos kini ug 10 milyones.
Apan sa ikaduhang tawag mi ubos nalang kini sa P15,000mil ka pesos, ug mo balor nalang kini sa P75,000mil ka pesos para sa lima ka hostage.
Padayon usab ang operasyon sa kapulisan ug kasundaluhan aron mabawi ang nahabiling bihag ngadto sa armadong grupo .
