Davao City- Padayon nga naghimo og hot pursuit operation ang kasundaluhan human dunay mga nakitang blood stains ug tracking sa natigayong engkwentro tali kasundauhan ug New People’s Army kun NPA SA Sitio Sarayon, Barangay Araibo, Pantukan, Compostela Valley kaniadtong adlawng Miyerkules.
Kini ang gisulti ni Captain Jerry Lamosao, Division Public Affairs Office chief sa 10th Infantry Division sa a interview sa DXDC RMN Davao.
Dugang ni Captain Lamosao, narekober sa 66TH Infantry Battalion ang 12 ka mga bag sa improvised explosive device kun IED sa clash site diin gituuhang gikan kini sa na-engkwentro sa tropa sa gobyerno nga mga sakop matud pa sa Section Committee 18 sa Southern Mindanao Regional Committee kun SMRC ug Pulang Bagani Command kun PBC 6.
Kahinumduman nga kaniadtong adlawng Miyerkules, duha ka engkwentro ang natigayun sa Sitio Sarayon, Barangay Araibo, Pantukan, Comval diin ang unang engkwentro milungtad og 10 minutos samtang kapin usa ka oras nga nagbinakbakay ang tropa sa gobyerno ug NPA sa ikaduhang panagbangi.
Gibutyag usab ni Lamosao nga walay samaran sa kasundaluhan apan wala pa nila nasuta og duna bay casualties sa pikas pundok.
Dugang niini, nanawagan ang 10TH id ngadto sa mga NPA nga undangon na ang Extortion activities, pagpangrecruit sa mga kabatan-unan, ug pagpangaharras tungod dili usab kini i-tolerear sa kasundaluhan inay mu-surrender nalang diin sumala pa welcome kanunay ang bisan kinsa mang sakop sa NPA ang mubalik na sa sabakan sa gobyerno.
RadyoMaN Renz Barbarona
