Davao City – Gipahimangnoan sa Highway Patrol Group (HPG-XI) ang publiko ilabi na sa mga adunay planong mupalit og secondhand nga sakyanan nga i-pacheck sa ilang buhatan aron masayran kung aduna ba kini pertinenteng dokumento.
Sa gipahigayong AFP-PNP presscon karong adlawa, gibutyag ni P/Senior Inspector Pedro Campomanes sa HPG-XI nga adunay 15 ka mga colorum vehicles ang ilang na-apprehend kaniadtong Marso 24 hangtod 29 sa kasamtangang tuig.
Gilangkuban kini sa duha ka mga bus, usa ka taxi ug dose ka mga van nga sagad nadakpan gawas sa Davao City kinsa walay Certificate of Public Convenience (CPC) ug adunay violation nga ‘out of line’.
Gi-awhag ni Campomanes ang mga tag-iya sa colorum nga sakyanan nga ipa-rehistro na kini aron hapsay ug walay problema panahon nga mubyahe.
Kung mapamatud-an nga guilty sa paglapas sa transportation law, ang mga operators sa colorum nga mga sakyanan mubayad og P50,000 sa jeepneys, P120,000 sa taxis, P200,000 sa vans, ug P1 million sa mga bus, base sa Joint Administrative Order nga gi-implementar sa Land Transportation Franchising and Regulatory Board (LTFRB)ug Land Transportation Office (LTO).
RadyoMaN Jason Amisola
