Dismayado ang House prosecution team na hindi direktang sinagot ng kampo ni Vice President Sara Duterte ang Writ of Summons ng Senate impeachment court.
Ayon kay House prosecution Spokesperson Atty. Antonio Bucoy, sa halip na sagutin ang mga alegasyong nakapaloob sa articles of impeachment ay inilihis ng kampo ni VP Sara ang issue.
Binanggit ni Atty. Bucoy na tinutukan ng panig ni Bise Sara sa isinumite nitong Answer Ad Cautelam ang procedural issues kung saan iginiit ang pag-dismiss sa impeachment complaint dahil labag umano sa one year bar rule.
Sabi ni Bucoy, ang hakbang ng panig ni VP Duterte ay malayo sa sinasabi nito na magiging ‘bloodbath’ ang impeachmet trial.
Facebook Comments
