Gidungog kagahapong adlawa sa ikatulong higayon mahitungod sa droga dinhi sa atong probinsya sa Zamboanga del norte ilawom kini sa house resolution no. 456 nga gipangamahanan ni Cong. Seth Frederick Jalosjos.
Mitambong kagahapon si Police Gen. Erik Serapin Reyes, Police inspector Edison Albiar, SPO2 Roy Betudes, S/Insp. Lito Andaya, P/supt Edwin Wagan, Jury Rocamora sa NBI westmin, Paul Dosdos NBI Dipolog, Joyce Hibaya sa opisina sa mayor, Ranny hatsuela, Reg. Dir. PC/Supt. Billy Beltran. Anaa usab didto ang gihawiran sa WPP, nga si Ronald Realiza, ug ang team David Roger Daligdig, ug Rolly Daligdig.
Sa pasiunang pamahayag ni Cong. Jalosjos, matod pa niya nga naghitak na gayod ang droga sa atong probinsya sa Zamboanga del norte, apan ang mga kadagkoan sa kapulisan dinhi ang wala nagpakabana, lakip na ang patay nga nahitabo patikular na dinhi sa dakbayan sa Dipolog ug sa lungsod sa Polanco.
Kahinumduman nga si Bishop Severo Caermare nagpagawas ug pastoral letter aron ikondena ang grabeng patay sa nahisgutan nga lugar.
Nahisgutan usab ni Cong. Jalosjos ang duha ka mga sibilyan nga nagtrabaho sa kapulisan sa dipolog nga sila si Roger Daligdig ug Rolly Daligdig nga mga membro sa team David (Deployment Against Vices in Dipolog). Nga kung diin mao kini sila ang gihimong tig tanom ug mga droga sa ilang mga target nga dakponon gamiton usab kini sila sa pagpang harass sa kaatbang sa pulitika sa kasamtangang namunuoan, matod pa ni Cong. Jalosjos.
Samtang sa laing bahin gipangayuan usab ug report si PC/Sinp. Lito Andaya mahitungod sa pagpusil patay kang Crisanto Gulang –alyas Maral, apan usa lang ka kopya ang nadala ni Andaya.
Gani nag subpoena na ang NBI mahitungod sa report sa kang Maral, kay hangtod karon wala pa sila nakadawat, pero namahayag si Andaya nga maningkamot sila nga mahatag na ang resulta sa report mahitungod sa pagpatay kang Maral.
