Kapigaduhon ang nakita nga rason ni House Speaker Gloria Arroyo kon ngaa malapnagon gihapon ang terorismo sa pungsod.
Nagapati si Arroyo nga epekto sang kapigaduhon ang pinaka-ulihi nga twin bombing sa Jolo, Sulu nga ginkamatay sang indi magnubo sa 20 ka tawo.
Ginpahayag ni Arroyo nga dako gihapon nga problema ang kalinong kag katawhay sa dako nga bahin sang Mindanao bangud wala pa gid naresolba ang problema sa kapigaduhon.
Kampante naman ang House Speaker nga makabulig ang ginratipikahan nga Bangsamoro Organic Law (BOL) agud mapasanyog kag mauntat ang terorismo sa rehiyon.
Ginpat-od man ni Arroyo nga ginahimo na sang gobyerno ang tanan nga tikang para mabuligan ang mga taga Mindanao.
(photo from web)
Facebook Comments
