Davao City – Suportado karon ni Association of Barangay Captains (ABC) President Edgar Ibuyan, Sr. ang plano ni Mayor Sara Duterte-Carpio nga balay-balayon kun i-house-to-house ang COVID_19 swab test alang sa mga suspected patients.
Sumala ni Ibuyan, sa maong lakang lamang masegurong walay mga COVID-19 suspected individuals nga makalusot sa kamot sa atong mga awtoridad lakip na ang mga miyembro sa ilang pamilya ma-swab test usab.
Segun sa konsehal nga pinaagi sa mando sa mayor, ang mga awtoridad sa panglawas magbaton na unya og kagahum sa pagpugos sa mga tawong gahi’g ulo aron magpailawom sila sa COVID swab test.
Dili ikalalils nga adunay mga indibidwal mahadlok masayod nga COVID_19 carrier na diay sila apan kon magbalay-balay og swab test, maglisod na unya sila og balibad ni makalikay pa.
Kumbinsido si Ibuyan nga mosalir gayud ang house-to-house expanded swab tests sa pagpakgang sa pagkaylap ning maong pandemic.
RadyoMaN Joel Viray
