Davao City – Gi-prayoridad karon sa lokal nga panggamhanan sa Davao ang mga intervention o tabang alang sa tanang PUJ operators ug drivers nga maapektuhan sa pag-arangkada sa High Priority Bus System kun HPBS.
Sa usaka press conference, gibutyag ni Davao City Mayor Sara Duterte Carpio nga aduna nay social packages nga gi-andam aron matabangan ang mga maapektuhang sektor.
Matud sa alkalde, nitunol na og P95M ang Department of Trade and Industry (DTI) nga magtanyag og 10,000 ka mga livelihood kits para sa mga drivers ug operators.
Samtang nagtagana og P300M ang Commission on Higher Education (CHEd) aron mapahuman ang pagtungha sa kolehiyo sa usa sa ilang miyembro sa pamilya.
Giawhag karon ang mga operators ug drivers nga mutambong sa mga scheduled orientations karong January 14 sa Toril, January 21 sa Calinan, January 24 sa Bunawan ug January30 sa Poblacion aron masayod sila sa mga benepisyo ug asistinsya nga ilang ma-avail gikan sa gobyerno.
Gawas sa mga social packages, gidugang sa alkalde nga adunay financial asisistance nga madawat ang mga operators ug drivers.
RadyoMaN Aimee Guinita
