HPBS, augmentation bus giklaro

Davao City – Giklaro ni Davao City Mayor Sara Duterte Carpio nga dili kabahin sa High Priority Bus System (HPBS) ang mga mga bus nga gi-provide karon sa syudad ug kini usa lamang ka augmentation buses.

Pagpasabot sa mayor nga mutabang lamang ang maong mga augmentation buses sa mga lugar nga nagkinahanglan og dugang sakyanan tungod sa kakulangan sa mga public utility vehicles (PUJs) nga makapasakay sa mga pasahero.

“Augmentation lang man na sya. That is not the actual High Priority Bus System. Naga augment lang ta sa mga areas nga nay kakulangan sa servicing sa atong mga existing public utility vehicles. That is not the bus system that we envision,” saysay niini.


Dugang sa alkalde nga tubag lamang kini sa gipa abot sa mga barangay officials subay sa reklamo sa ilang mga residente labot sa kakulangan sa mga sakyanan, rason nga gi-provide sa kagamhanan ang maong mga bus.

Una nang gibutyag sa mayor nga dili ordinaryo nga bus ang magdagan alang sa HPBS kundili mga latest nga klase sa bus sama sa makita sa laing nasud.

RadyoMaN Kirby Manzon

Facebook Comments