Gihimo kagahapon ang ika 63 ka anibersaryo sa Highway Patrol Group (HPG) didto sa ilang opisina partikular sa may Eco Park, Upper Turno, Dipolog City.
May temang “Disiplinadong Motorista sa Lansangan, ang Hatid ay Kaligtasan”
Sunod sunod nga aktibidad ang nakaandam atol sa maong selebrasyon kini mao ang Ist Road Safety Web Seminar (Webinar) giulohan kini ug “Road Safety Pillars, Towards Zero road Crash deaths and Injuries”.
Ang mga resource speaker niini gikan pa sa World Health Organization(WHO) ASEAN new car assessment Program (NCAP), World Bank ug international road assessment program (RAP) kinsa otorisado kini sila sa road safety.
Gitambongan usab kini sa nagkadaiyang sector gikan sa kadagkoan sa bus company, four wheel vehicle representative, anti crime group organization ug mga president sa mga de pasahero nga motor cab ug motor single.
Gibutyag pa sa hepe sa HPG Zamboanga del norte nga si Romeo Orcullo naningkamot sila karon nga mahatagan gayud ug seguridad ang mga motorista.
Padayon usab ang ilang ginahimong pagpahigayon ug checkpoint matag karon ug unya , tungog kay hugot ang ilang kampanya kaon sa carnapping ug motornapping.
Ning bag-ohay lang naka rekober sila ug ge karnap nga fortuner kolor itom lakip usab nga ilang naharang ang kolorum nga van nga namasahero.
Gipasalig usab sa hepe nga daghanan pa kaayong kalambuan ang ilang mahimo sa umaabot pa nga mga adlaw.
