Bangud sa padayong ginakasangkutan nga kontrobersiya it pag pang espiya, ginbue-an eon it access sa Google ag Android rong Huawei.
Raya hay matapos ro naging desisyon it administrasyon ni US Pres. Donald Trump ko nagtaliwan nga dominggo nga i-ban rong Huawei sa America.
Sa pahayag it Google, indi eon makaangkon it access rong Huawei Smartphones sa propriety apps ag mga serbisyong ginapanag-iyahan it Google.
Rong nabilin nga access eamang it Huwaei hay rong public version it Android.
Ginpaathag it Google nga nagasunod eamang sanda sa mando.
Rong mando nga ginatumod it Google hay rong desisyon it US Commerce Department nga nagabutang sa Huwaei sa “Entity List” o listahan it mga kumpanya nga indi pagpahinugutang magbakae it teknolohiya umpisa sa mga US company nga uwa it approval it gobyerno.
Bangud sa desisyon it Google rong Huwaei hay indi eon pwede nga mag gamit it Android Open Source Project (AOSP).
