Hubog / Duha ka drayber nga nalambigit sa pagkamatay sa usa ka lalaki, pasakaan og kaso

Pasakaan og kasong reckless imprudence resulting in homicide karong umaabot Lunes ang duha ka mga drayber human namatay ang usa ka lalaking angkas sa motorsiklo.

 

Kini ang gibutyag ni SPO2 Elmo Butra, Chief Traffic Investigator sa Police Station 10 Cugman sa interview sa dxCC-RMN.

 

Matud ni SPO2 Butra nga naa pa karon sa ilang mini cell ang drayber sa motorsiklo nga si Erwin Bautista, 36 anyos, taga Marilao, Bulacan ug ang drayber sa trailer truck nga si Richard Ramos, 42 anyos, taga Calaanan, Barangay Canitoan ning syudad.


 

Mahinumduman nga kagahapon sa buntag naligsan sa trailer truck ang biktimang si Ronan Cailing, 36 anyos ug taga Piaping Puti, Barangay Macabalan human malagpot sa gisakyang motorsiklo.

 

Gidugang ni SPO2 Butra nga hubog ang drayber sa motorskilo nga si Bautista sa dihang angkas niini ang namatay nga si Cailing nga hubog usab niadtong higayona.

Facebook Comments