General Santos City—patay ang usa ka lalaki human gidunggab sa wala pa mailhing suspetsado ala 1:00 pasado sa kaadlawon sa may Zone 1, Barangay Bula, Gensan.
Biktima giilang si Glen Mark Cuizon, 29, residenti sa Zone 1, Barangay Bula, Gensan. Sa inisyal nga report sa Police Station 6, nasuta nga gikan nag inum ang nasangpit nga biktima ug nagbaktas ang nahisgutan pauli sa ilang lugar.
Apan nakaplagan nalang kini sa nagpakabanang residenti nga naghigda na daplin sa dalan, sa pagtuong nasubrahan lang ug kahubog, gisuwayan ug pukaw sa nakakita apan nakuratan nalang kini dihang nagkadugo ang nahisgutan ug duna nay dakong samad sa iyang tiyan nga bahin.
Paspas kining gidala sa SOCCKSARGEN Hospital apan gideklara kini Dead On Arrival sa iyang attending Physician.
Sa karon padayon ang gihimong pag imbistiga sa kapulisan kalabutan sa insidenti ug ginasuta pa ang suspetsado sa maong krimen.
