Davao City – Giluba sa wala mailhing suspek ang usa ka hubog nga lalake kinsa natulog daplin sa dalan kagahapong adlawa.
Daling gisapupo paingon sa Southern Philippines Medical Center (SPMC) ang biktima nga si Jolan Lanjo, 36 anyos ug nagpuyo sa Toril ning siyudad, gumikan sa samad dinunggaban sa liog nga bahin.
Nasayran nga sa wala pa mahitabo ang pagluba nakighugoy-hugoy pa ang biktima sa iyang mga higala pinaagi sa pag-inom og ilimnong makahubog sa may Talomo Cemento.
Apan dihang pirti nang huboga ni Lanjo giingong wala na kini maka-uli sa ilang balay ug nakatulog na kini sa dalan sa nasangpit nga lugar.
Nagtoo ang nagdala ni Lanjo sa SPMC nga possible natripan sa wala ilhi nga suspek ang biktima.
RadyoMaN Joel Viray
Facebook Comments
