LA CASTELLANA – Nagapaligo na sang iya kaugalingon nga dugo kag wala na sang kabuhi sang maabtan sang katapo sang kapulisan ang isa ka lalaki matapos nga gin hit and run sang wala ma identify nga salakyan kag ginapatihan pakadto ang direksyon sa syudad sang Canlaon.
Sa imbestigasyon, patal nga pilas sa ulo ang naagom sang biktima nga ginkilala kay Christopher Tubongbanua, 38 anyos sang Hda. Angelita, Barangay Camandag, La Castellana.
Hubog naman ang biktima kag natulugan sa dalan sang ini ang nabunggu-an.
Natabo ang insidente las 11 sang gab-i, Abril 10 sa nasambit man nga lugar.
Facebook Comments
