Usa ka pagpanigbas ang nahitabo didto sa may brgy. Oyan, lungsod sa Sibutad, ang biktima mao si Ramil Bulalacao Mendez, hingkod ang pangidaron.
Sa resulta sa imbistigasyon nasayran nga ge tigbas kini ni Dindo Araw Gonzalez, 43 anyos, ang duruha residente sa nahisgutan nga lugar.
Matod pa nga samtang ang suspek uban ang iyang mga amigo nag inom kini sa panimalay nila ni Manolito Ongue, ug ang biktima milabay kini sa nahisgutan nga grupo, niadtong higayuna nihunong ang biktima tungod kay gitawag kini sa suspek apan sa walay daghang pangutana gitigbas kini sa walay igong hinungdan, nakaangkon ug samad sa walang bahin sa iyang abaga.
Human sa maong panghitabo gilayong gidala sa Jose Rizal Memorial Hospital, didto sa dakbayan sa Dapitan.
Samtang ang suspek tingkagol na karon sa balay bilangguan human kini na naaresto sa mga mirespondeng kapulisan.
