Sigma, Capiz- Pilason ang isa ka persona matapos nalab-an sang mismo magulang sini alas 11:20 sang gab-i sa Sitio Baclayan, Brgy. Mianay, Sigma, Capiz.
Ginkilala ang biktima kay Rey Denosta y Gallardo, 42-anyos sang pang-edaron nga sa subong ang ginabulong sa Mambusao District Hospital bangud sa naangkon nga pilas sa nagkatuhay nga parte sang lawas.
Suno sa imbestigasyon sang kapulisan, hubog nga nagsulong ang biktima sa poluy-an sang magulang sini nga si Sonny Denosta y Gallardo kag nanghangkat sang away.
Iya pa nga ginlampusan sang kahoy ang suspek apang maswerte nga nakalikaw kabangdanan nagbalik sa balay kag nagkuha sang sanduko antes nga ginlabo ang biktima.
Boluntaryo naman nga nagsurrender sa mga kapulisan ang suspek paagi sa bulig sang mga barangay officials.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
