Davao City – Mag-atubang sa kasong homicide ug kalapasan sa gun ban subay sa Omnibus Election Code ang usa ka purok chairman human niini gipusil-patay ang usa ka lalaki nga nagmaoy sa Barangay Visayan Village, Tagum City, Davao del Norte, hapon niadtong Dominggo, June 2, 2019.
Sa pakighinabi sa DXDC RMN Davao kang PSI Anjanette Tirador, spokesperson sa Tagum PNP, giila niini ang purok leader nga mao si Solomo Salvoro diin sa report, gibadlong lamang niini ang hubog ug namaoy nga si Necolas Quitoriano, 41-anyos human kini nagwara-wara sa iyang gigunitang sundang nga miresulta sa kahadlok sa mga tawo sa iyang palibot.
Tungod kay dili na mabadlong si Salvoro, dinhi na gipusil sa purok leader ang nahisgutan diin tungod sa nahi-aguman niining samad pinusilan dali kining gidala kini sa ospital apan nakabsan ra usab kini sa iyang kinabuhi.
RadyoMaN Kirby Manzon
