Prisohan ang gidangatan sa usa ka hubog human kini nag maoy didto sa may brgy. Patawag,sakop sa lungsod sa Liloy ning probinsya sa Zamboanga del norte.
Hinungdan dali nangayo ug pakitabang ang usa ka konsehal nga si Roberto T. Baring ngadto sa mga tinugyanan sa balaod.
Aktong nasapon si Cerelo Sario Hungoy sa dihang girespondehan kini sa pulis, unya hubog kini niadtong higayona. Matod pa nga gisulayan kini ug tambag sa konsehal nga mo kalma, apan gi insulto naman hinuon ug nagkanayon nga “Wala ko mahadlok nimo bisag ikaw maoy duty nga konsehal karon”, dalang lanit sa iyang mahait nga sanggot ug misulay pa kini pag atake.
Karon, tingkagol na sa mabugnaw ang rehas ang maong dinakpan dala sa pagmahay nga iyang nabuhat sa dihang nahubog siya.
Samtang hugot karon ang pagpatuman sa seguridad sa kapulisan dinhi sa probinsya sa Zamboanga del norte matag karon ug unya, naghimo sila ug mga check point sa ilang tag-tagsa ka mga AOR aron masiguro nga walay makasulod nga dautang element nga magsabwag ug kagubot.
Kahibaloan nga adunay mibusikad nga bomba didto sa Isulan Sultan Kudarat nga gikamatay sa duha ka indibidwal ug 37 ka angol.
Nag awhag usab ang kapulisan ngadto sa mga katawhan nga kinahanglan kanunay magma-igmat ug magbinantayon kung adunay makita nga dili maayong lihok sa usa ka tawo o mga butang gilayong I taho kanila aron dali nga mahatagan ug aksyon.
