[image: e78f4d5d6c4e6f5fa4b580baad32a39a.jpg]
Mag-atubang og kasong pagsupak sa Comprehensive Laws on Firearms and Ammunition ang 29 anyos nga lalaki human kining gisikop tungod sa paghupot og armas nga walay igong dokumento.
Giila sa Pendatun Police Station ang nasangpit sa pangalang Michael John Lubaton residente sa Las Villas Subdivision Barangay City Heights.
Nasayran nga nalambigit sa kaguliyang sa coffee shop sa may South Oseman Street Barangay Dadiangas South ang suspek.
Na-timingan nga niagi ang pulis nga si PO1 Melodin Semino nga sakop sa 1201 st Company sa RMFB 12 og gikapkapan si Lubaton rason nga nakuha sa iyang posesyon ang 9mm handgun pistol.
Tungod walay napresenta ang suspek og dokumento sa gidala nga armas dihang kini giaresto hinungdan himas rehas na kini karon.
Ugaling maka-produce og dokumento ang suspek ipresenta na lamang niya kini ngadto sa korte samtang pwede kining makapyansa sa iyang kaso tungod usa ka armas ra ang nakumpiska.
