Mitaho sa kapulisan si Ellen Mandas ngadto sa kapulisan sa Katipunan tungod sa iyang nakita nga patayng lawas sa lalaki nga anaa sa tunga-tunga sa kasagingan duol sa suba nga anaa sa brgy. Seres, lungsod sa Katipunan.
Sa gihimong imbistigasyon sa kapulisan, naila ang maong patayng lawas nga si Lito Oling Epat, 24 anyos, menyo, molupyo sa Purok Mangga, sakop sa maong barangay.
Matod pa, ang biktima mibisita kini sa iyang ugangan ug nag inom kini niadtong higayona uban sa iyang suod nga higala.
Mga alas 8 sa gabie nananghid ang biktima sa iyang ugangan nga babaye nga mo adto siya sa brgy. Patik sa maog lungsod.
Ang biktima hubog na kaayo niadtong higayuna, ug mipugos kini sa pagtabok sa Spillway bisan paman kusog ang baha niadtong panahona. Gani ge tambagan pa siya ni Jose dagpin nga magpaabot nalang mo ubos ang baha.
Human nga mipugos pagtabok ang biktima nadala kini siya sa kusog nga bul-og sa baha, hinungdan nga nakutloan kini sa iyang kinabuhi human nalumos.
Sa pagkakaron, anaa na ang patayng lawas sa iyang pamilya alang na usab sa saktong pagpahimutang.
