Sa interview sa DXDC RMN Davao kang PCapt. Rodrigo Dumangas Jr. Officer In Charge (OIC) sa Magsaysay MPS, iyahang giila ang biktima nga si JM Japida, 33 anyos, ulitawo, taga Jose Abad Santos, Davao Occidental nga nagtrabaho sa Magsaysay.
Saysay ni Dumangas nga matud sa amo sa biktima, gihatagan niya kini’g P500 nga maoy gigamit niya sa pag-inom. Nasayrang nagahukas ug nagatulog matud pa bisa’g asa ang biktima kung kini lango na sa ilimnon.
“Nagpadayon ‘mi sa pagpahigayon og investigation. Gi-review (namo) ang mga CCTV nga possible nga agian, ug naga-coordinate ‘mi sa mga possible witness. Nanawagan pud ‘mi sa mga nakakita nga mupahibalo diri sa istasyon ug kinsa man ‘tong hingtungdan, mo-surrender na diri para maatubang ang iyahang salaud,” panawagan sa police official.
RadyoMaN Kirby Manzon
