Gireklamo sa magtiayong Fernandez ang driver sa motor kinsa mibundol sa ilang gisakyang Mitsubishi SUV alas 6 ang takna gabie dapit sa General Luna Street ning siyudad.
Saysay ni Rogelio Fernandez kinsa residente sa Purok 4, Alae, Manolo Fortich, Bukidnon nga samtang nagmaneho kini sa ilang sakyanan, kalit lang dunay nakabundol nga motor ug gitoohan niining ubos sa ilimnong makahubog ang suspek hinungdan nga liko-liko nang nagpadagan.
Naila ang driver sa motor nga si Louie Agbon nga taga Mabini Burgos Street ning siyudad.
Human sa hitabo si Agbon pa mismo ang nagpabayad sa kantidad nga dos mil pesos.
Sa pagsulat ning balita, wala pa gihapon nagpakita si Agbon sa Police Station 2, Cogon diin gibilin ang iyang lisensya.
Samtang, ang maong kaso gi-refer na sa Roads and Traffic Administration.
