Davao City – Nagpatabang sa Kuskos Batikos radio program ang purok leader sa Brgy. Zone 111, Sta Cruz, Davao del Sur human giharas pinaagi sa pagpaka ulaw ingun man gilaparo ang iyang umagad nga nurse ni Brgy. Kapitan Dennis Ganzon atol sa SAP distribution.
Sumala ni Purok Leader Sirinia Palanca nga atubangan sa daghang tawo sulod sa barangay gym gipaka ulawan siya sa kapitan tungod kay wala kini maka uyon sa lima ka mga SAP beneficiaries nga na aprubahang mudawat sa financial assistance.
Matud ni Palanca nga daghan ang naka matikod nga hubog si Kapitan Ganzon sa dihang nahitabo ang insidente nga misangko usab sa pagpanglaparo sa kapitan sa dihang mipatunga sa kasamok ang iyang umagad nga nurse nga mao si Leonil Dean.
Nakahukom ang mga biktima nga mupasaka og kaso batok ni Ganzon sa gihimo niining pagpaka uwaw ingun man pagpanglaparo.
Gipaabot usab sa DXDC ang mahimong tubag ni Kapitan Ganzon sa maong reklamo sa iyang mga sakop sa barangay.
RadyoMaN Erin Lumosbog
