Davao City- Walay nakitang foul play sa pagkamatay sa usa ka lalaking gituuhang hubog sa Bago Aplaya, ning Siyudad sa Dabaw kaganinang alas 8 sa buntag.
Sa interview sa DXDC RMN Davao kang Dean Alaba, Radio operator sa Talomo PNP, sumala sa inbestigasyon sa kapulisan ug Scene of the Crime Operatives kun SOCO, nakaplagan ang patayng lawas sa lalaki nga giilang si Francisco Abiso, 63 anyos, residente sa nasangpit nga lugar diin wala man sab nakitang mga samad-dinunggaban sa biktima.
Dugang niini, gituuhang hubog si Abiso nga pauli na unta sa ilang balay kaganinang kadlawun apan posibleng napandol kini ug naadto sa may tubigon nga bahin sa dalan likod sa balay sa iyang silingan ug nalumos sa lim-aw nga tubig.
Buntag na nadiskubrehan ang patayng lawas ug gidala na kini sa Anghel Funeral Homes.
Kasamang Renelyn Barbarona
