Sa interview sa DXDC RMN Davao kang PSSg. Philip Majadas, imbestigador sa Sta. Cruz MPS, iyahang giila ang lalaki nga si Ramil Dulay, 47 anyos, residente sa maong lugar.
Gisaysay ni Majadas nga buntag pa lang nag-inom na ang maong lalaki ug pag-uli niini, didto na kini miadto sa sapa duol sa ilahang balay ug didto na siya natagak human kini nawad-an og balance, asa nakita sab kini sa video nga gi-upload sa social media.
“Walay intensyon nga mulangoy. Bale, ninaug sya unya mura’g na-outbalance siya mao ‘to nadala sya. Gibadlong na siya nga dili muadto didto kay basin madala apan kay hubog lagi, nadala gyud siya (sa bul-og sa tubig),” saysay ni Majadas.
Nanghinaut usab ang pamilya nga makit-an ang lalaki ilabi na nga duna kini nagpaabot nga upat ka mga anak.
RadyoMaN Kirby Manzon
