Davao City – Nag-wild ang usa ka hubog nga PUJ driver human gibuyag sa tag-iya sa usa ka bakery kay imbis sa inidoro mangihi sa lababo na hinuon.
Sa blotter sa Talomo PNP, mireklamo si Rogelio Mejares, 35 anyos, tag-iya sa Mejares bakeshop sa Bugac Ma-a batok ni Jovanie Tabalwon, 25 anyos, driver, lumad nga taga-Malita, Davao Occidental human mangihi sa lababo ug nag-wild nga miresulta sa damyos sa maong bakeshop.
Nahitabo ang insidente alas 2:30 sa hapon diin misulod sa bakery ang suspek ug dayong mipabuhagay sa iyang ihi sa lababo ug sa dihang gibuyag kini nasuko dayong nag-wild.
Gipanglabay sa suspek ang mga banko nga kahoy ug mga botelya sa softdrinks hinungdan sa pagka-igo sa baker nga si Delfin Basadre.
Miresponde gilayon mga otoridad rason nga nadakpan ang suspek nga gibalhog na karon sa selda sa presinto tres samtang ang mga nakabaton og bun-og gidala sa Southern Philippines Medical Center (SPMC).
RadyoMaN Erin Lumosbog
