Hubog wala pakantaha sa videoke, nasuko ug nanumbag

Liloy, ZDN-Misulay pa unta ug ikyas ang usa ka hubog sa dihang gidakop kini sa kapulisan sa Liloy human kini nanghasi atol Araw ng Liloy, partikular sa Municipal Gymnasium didto sa may Brgy. Fatima, Liloy sa miaging adlaw.

Gibitbit sa kapulisan si Felix Silvano Betcher, usa ka mag-uuma, residente sa Brgy. Patawag, Liloy.

Migawas sa imbistigasyon nga kini si Felix hubog niadtong higayona ug matod pa gusto pa kining mokanta sa videoke nga gi arkila ni Kagawad Ramonito Bayon.


Uban ni kagawad Ramonito ang iyang barkada sa paglingaw-lingaw niadtong higayona, imbis nga mo undang na sila kalit miabot ang suspek ug dili kini mo sugot nga undangon ang videoke.

Gipasabot pa unta sa kagawad ang hubog nga si Felix nga dili na pwede kay i uli na ngadto sa tag-iya ang videoke apan nasuko kini ug kalit lang nanuntok sa baba sa konsehal.

Igo nalang sa pagpatala ang biktima sa buhatan sa kapulisan Liloy sa iyang gidangatan ug naangkon nga bun-og sa baba.

Facebook Comments