Davao City – Nakatilaw og prisohan ang usa ka hubog nga lalaki human nasakpan sa mga awtoridad nga wala mag-suot og face mask ingon man nakalapas sa liquor ban dinhi sa syudad.
Subay sa report sa Buhangin Police Station, nakuha ang botelya sa beer gikan sa posisyon kang Roque Novicio, 54 anyos, minyo, nga taga Country Homes, Cabantian, Buhangin District ning syudad, usa ka mekaniko.
Nakadawat og report ang kapulisan sa Buhangin gikan sa concerned citizen labot sa pagkahubog ni Novicio kuyog ang mga kauban diha sa dalan sa nahisgutang lugar ug gilayong miresponde ang kapolisan subay sa mando ni Police Maj. Estrello Ramiso, Buhangin Police Station Chief of Police ug naaktohan nga nag-inom sila si Novicio apan abtik nga nakalayas ang mga kauban niini hinungdan siya na lamang ang gidala ngadto sa presinto.
Kalapasan sa Executive Order no.47-A – Modified General Community Quarantine guidelines ang atubangong kaso ni Novicio.
RadyoMaN Joel Viray
