Polanco, ZDN-Boluntaryong mitahan ang responsible sa pagpangluba ngadto kang kag. Allan Montefalcon, nahitabo kini didto sa may Brgy. Linabo, Polanco, ZDN.
Ang biktima mao si Ranie Fuentes, 38 anyos kinsa giluba ni Jemar Cadano, 44 anyos pulos kini sila residente sa nahisgutan nga barangay.
Saysay pa sa mga nakasaksi kining biktima nga si Ranie nagmaoy matod pa samtang anaa sa imnanan, hinungdan nga gisulayan kini siya ug badlong sa suspek, apan wala kini naminaw ug nasuko paman hinuon ug misangpot sa panaglalis.
Tungod sa kasuko sa biktima mikuha kini ug sundang ug misulay pag tigbas ngadto sa suspek, maayo nalang naka eskrima pa kini ug didto na iyang gi dunggab ang biktima ug maayong pagka igo sa dughan nga miresulta sa wala damhang kamatayon sa biktima.
Si Jemar anaa na karon gipaslak sa locked-up cell sa lungsod sa Polanco.
