Davao City – Usa sa mga hagit sa City Disaster Risk Reduction Management Office kun CDRRMO mao ang paglukop sa katawhan sa syudad nga mahatagan og pagtagad bahin sa pagpangandam ugaling adunay kalamidad.
Sa pakighinabi kang Lyndon Ancajas, DRRMO Admin Officer and Training Director atol sa interview sa tulumanong Serbisyong Straight to the Point, gibutyag niini nga dili nila matuyok ang 182 barangays sa syudad ug maatubang ang respondents aron mahatagan og mga pagtuon sa disaster preparedness.
Apan sumala niya nga padayon ang ilang pakigalayon sa komunidad gani subay sa iyang assessment sa nagpadayong mga lectures, trainings ug activities sa ilang buhatan nga positibo ang ginapakitang tubag sa komunidad sama nalang sa bag-uhay nga mitay-ug nga linog sa syudad diin ilang namatikdan nga daghan ang misunod sa dock, cover and hold, misunod sa angay buhaton atol ug pagkahuman sa linog lakip na ang paghatag og report sa mga brgy sa ilang buhatan og kumusta ang ilang ginsakpan atol sa maong panghitabo.
Subay niini, nanawagan ang DRRMO ngadto sa katawhan nga mupartispar sa 2nd City Wide Shake Out Drill nga matigayon karong Hulyo 27, 2018.
RadyoMaN Renz Barbarona
