Zamboanga del Sur – Sugod domingo sa kadlawon hingpit na nga gipatuman ang Election Gun Ban dungan usab sa pagsugod sa election period nga mulungtad hangtod sa Hunyo 12.
Sumala ni Comelec 9 Regional Director Jay Balisado, ilang kauban sa checkpoints sa kapolisan ug kasundalohan .
Matud pa ni Balisado nga wala ray nausab sa mga patakaran sa mga COMELEC checkpoint kun itandi sa nakalabay’ng mga election period.
Sama kaniadto, sa paskin sa COMELEC checkpoint nakabutang gihapon ang pangalan sa election officer ingun man sa hepe sa kapulisan nga nagpahigayon ug checkpoint apan mamahimo pa kini nga mausab kun ipatuman ang pagbalhin sa idestino sa mga comelec officer.
Mipahimangno sa publiko si Balisado nga mas bug-at ang kasong atubangon sa madakpan gawas sa illegal possession of firearms, giingong patungan pa kini og pagpanglapas sa election gun ban.
