General Santos City–Hugot matud pa nga implementasyon sa siguridad sa paskohan sa Gensan ang ipatuman sa kapulisan karong umaabot nga Dec 13 ngadto na sa Dec 21 sulod ug gawas sa oval plaza mao kini ang nahimong pagbutyag ni Police Captain Abdulsalam Mamalinta ang hepe sa Police Station 1.
Sumala pa ni Captain Mamalinta nga isip ground commander sa mga security personel nga mag bantay sa oval plaza iyahang sigurohon nga mamahimong hapsay ug malinawon ang Paskohan sa Gensan pinaagi sa hugot nga pagbantay sa mga entrance ug palibot sa activity area.
Hugot matud pa nga gibawal ang mga armas, hait nga hinagiban, bag pack, lighter ug sigarilyo sulod sa oval plaza, ingon man gibawal man usab ang mga ambulant vendor nga makasulod.
Samtang mihangyo usab si Captain Mamalinta ug pag sabot sa buot maglaag sa oval plaza kung ma-taod taoran usab ang pagsulod hilabi na pag-abot sa opening ug culmination sa maong aktibidadis tungod tanan nga musulod sa oval plaza ang ilaha gayung kapkapan aron nga masigurong dili malutsan. (Dave Silagan)
