Cotabato City- Naka-heightened alert status ang militar aron masiguradong walay spill overs sa uban pang areas sa Central Mindanao human sa nahitabong pagbusikad sa IED sa Isulan, Sultan Kudarat karong buntag.
Sa pakighinabi sa RMN Davao kang 6th Infantry Division Philippine Army OIC spokesperson LTC Edwin Alburo nga gidoble pa nila ang pagpahugot sa seguridad sa tanang checkpoints.
“Magmula sa Isulan-Cotabato City road naka-heightened tayo, pinapalakas pa natin ang ating checkpoints”
Nag-deploy usab og dugang sundalo sa blast site ug gipaigmat sa mga awtoridad ang publiko.
Matud ni Alburo nga nagpadayon ang imbestigasyon karon sa pagtumbok sa responsable sa pagpamomba.
Samtang, hugot usab ang gipatumang seguridad sa AFP ug PNP sa old Capitol, Sultan Kudarat, Maguindanao diin mutambong usab si Presidente Rodrigo Duterte sa makasaysayanong decommissioning sa mga kanhi Moro Islamic Liberation Front combatants.
Matud ni Alburo nga lakip sa mubantay ang kanhi mga MILF-Bangsamoro Islamic Armed Forces (BIAF) kinsa sakop na karon sa gitukod nga Joint Peace and Security Team uban ang mga government forces.
RadyoMaN Aimee Guinita
