Davao City – Hugot nga seguridad ang gipatuman sa Sta.Ana Police Station sa nagpadayong voter’s registrationsa sa Magsaysay Park, syudad sa Davao sugod kagahapon Pebrero 12, 2024.
Sa pakighinabi sa DXDC RMN Davao kang PLT Col. Ronald Lao, Hepe sa Sta. Ana Police Station gisulti niya, aduna nay mga sakop sa pulis ug police auxiliary, ang naka-assign nga mobantay sa Commission On Election (COMELEC-Davao).
Segun ni Lao, sa unang adlaw sa pagdawat sa mga botante nga magparehistro nagmalinawon ug walay natala nga panghitabo.
“Pero ok man smooth man ang dagan diha,,,di lang sila magdungan dungan maglinya di magsamok unya mahuman man gyod na gihapon i-cater hangtod gabii na’,sulti ni Lao.
Subling nagpahimangno ang opisyal sa mga botante nga magparehistro nga mosunod lamang sa mga palisiya nga gipatuman sa Commission on Election (COMELEC).
RadyoMaN Don Pulayao
Facebook Comments
