Davao City – Hitsas na ang Davao City Police Office (DCPO) alang sa seguridad nga ipatuman sa Davao City, nunot sa paghinumdum sa ‘Edsa People’s Power Revolution’ karong Domingo Pebrero 25, 2024.
Sa interview sa DXDC RMN Davao kang Police Captain Hazel Tuazon, DCPO Spokesperson gibutyag niini, adunay mga pulis nga andam nang i-deploy sa mga lugar, kung asa adunay ilusad nga rally.
Segun ni Tuazon, apil sa bantayan ang Freedom Park, Roxas Avenue ning dakbayan nga sagad diha himoon ang rally.
Dugang sa opisyal, adunay naka-standby usab nga mga personahe gikan sa City Mobile Force Company sa DCPO ang motabang sa pagbantay.
“Just in case naay mga mag rally para ma maintain ang peace and order dili ta gusto nga naay kagubot nga mahitabo specially dinhi sa sentro sa syudad”, sulti Tuazon.
RadyoMaN Don Pulayao
Facebook Comments
