Pagadian City – Bisan natapos kagahapon ang implementasyon sa Election Gun Ban, gipaniguro gihapon sa kasundaluhan ug kapulisan sa tibook rehiyon 9 nga dili nila lugakan ang pagbantay sa seguridad ug pagpatuman sa balaod aron magpabilin ang kalinaw sa kumonidad.
Sa datos nga gipagawas sa Police Regional Office 9 moabot sa 143 ka indibidwal ang nadakpan nga naghupot og armas sa tibook Zamboanga Peninsula atol sa unom kabulan nga pagpatuman sa Commission on Elections (COMELEC) election gun ban sugod niadtong Enero 13 hangtud kagahapon.
Sigon ni Police Brig. Gen. Froilan Quidilla, ang director sa PRO-9, ang nadakpan gilangkuban sa 132 sa sibilyan, tulo ka government troopers, tulo ka security guard ug lima usab ang opisyal sa gobyerno.
Lakip nga gidakop sa otoridad ang nadala og mga armas, mga eksplosibo ug hait nga hinagiban dihang gilusad ang managlahi nga law enforcement operations sama sa checkpoints, buy-bust operations, police patrols, search warrant emplementation ug uban pa nga matang police operations.
