Atol sa State of City Address (SOCA) ni Davao City Mayor Sebastian “Baste” Duterte kagahapon, July 28, 2023, iyang gibutyag nga aduna nay 19 nga police stations ang syudad nga andam nga muasister sa Davaoeños ug muresponde sa unsa mang insidente.
“To increase police visibility, we opened the Bajada Police Station. We also continue to employ 1,385 city-paid police auxiliaries as force multipliers deployed throughout the city’s 19 police stations,” butyag sa mayor.
Gipasalamatan usab sa alkalde ang kalampusan sa Davao City Police Office (DCPO) sa ilang kampanya batok iligal nga droga, diin nakakumpiska ang DCPO og P29,503,386.63 kantidad sa iligal nga droga sulod sa usa ka tuig.
Samtang, ang Task Force Davao (TFD), aduna usay nakumpiska nga P21,965,644.00 kantidad sa iligal nga droga sa susamang period. Kini gawas pa sa nakumpiska nga loose firearms sa kapulisan ug kasundalohan.
RadyoMaN Kirby Manzon
