Davao City – Gipulong na sa kadumalahan sa Davao City Overland Transport Terminal (DCOTT) ang awtoridad nga mutabang sa pag mintinar sa kahapsay ug kalinaw sa biyahe sa taliabot nga Semana Samana.
Sa pakighinabi sa DXDC RMN Davao kang Aiza Usop, DCOTT manager, gibutyag niini nagpulong na sila kauban ang labaw sa Task Force Davao, mga security guards ug kapulisan sa pagpangandam labi na sa dagsa sa mga pasahero nga maoy lauman sa Holy Week.
“Nag meeting na ta kung unsa ang possible nga ma meet nato nga mga problema because we are expecting nga mudagsa gyud ang mga pasahero,” segun niini.
Sa pagkakaron, matud pa ni Usop nga kada gabii na nga naga roving ang awtoridad sa pagbantay sa mga pasahero nga matulog sa terminal.
Samtang, saysay ni Usop nga ilaha na lamang ginapaabot ang anunsyo sa mga bus companies nga mubiyahe ug dili mubiyahe sa maong Lenten Season.
RadyoMaN Kirby Manzon
