Hugtanong kampanya batok smuggling, gipatuman sa probinsya

37

Pagadian City – Higpit nga gimando karon sa kagamhanang probinsyal pinaagi ni Governor Victor Yu ang paggukod sa illegal nga mga aktibidad human masuta sa mga otoridad nga naglungtad pa gihapon ang smuggling activities dinhi sa probinsya.
Mahinumdumang niining milabay nga mga adlaw duha ka mga dagkong bodega sa Pagadian City ang managsunod nga gi-raid sa mga otoridad diin nakumpiska ang bulto-bultong mga smuggled cigarettes ug mga raw materials sa paghimo niini.
Bitbit ang search warrant, girombo sa National Bureau of Investigation, Zamboanga del Sur Provincial Police, Pagadian City Police, ug mga personahe sa Bureau of Customs ang usa ka warehouse sa Brgy. San Jose adlaw nga Biernes diin nakumpiska ang mga kinarton nga pekeng sigarilyo.
Gisegundaan kini sa laing joint operation didto sa Brgy. Kawit adlaw nga Domingo diin usa gihapon ka warehouse ang gisulod sa mga otoridad. Narekober usab sa maong operasyon ang mga pekeng sigarilyo, raw materials sa paggama niini lakip na ang mga pekeng BIR documentary stamps nga gibana-banang mobalor sa 64-milyones ka pesos.
Kagahapong adlawa, personal nga gisubay ni Governor Victor Yu ang maong bodega kauban si NBI Regional Director Moises Tamayo ug Provincial Police Director Rhode Espero samtang nagpadayon ang inventory sa mga nakumpiska nga kontrabando sa maong area,
Namahayag si Governor Yu nga kini pagpamatuod nga seryoso ang kagamhanang probinsyal dili lamang sa mga illegal nga sigarilyo apan lakip na ang uban pang smuggled nga produkto.
Namahayag usab si NBI RD Tamayo nga katimbayayong ang PNP gitutukan nila ang posibleng mga persons of interest.
Niining kasamtangan, dili pa matukib ang kantidad sa mga pekeng sigarilyo nga nakumpiska sa managsunod nga operasyon, parehong gipamulong sa PNP ug NBI nga naghulat pa sila sa resulta sa gihimong inventory sa Bureau of Internal Revenue (BIR).
(Photo courtesy: El Fuentes)

Facebook Comments