Davao City – Gianunsyo na sa City Information Office (CIO) ang mga mananaug sa Hulagway sa Araw ng Davao 2018 Photo Contest.
Sa ilang gipagula nga resulta, nakuha ni Rowena Lou Diong ang 1st prize diin ang iyang hulagway adunay titulo nga “Kasadya”.
Sumala sa CIO, si Diong makadawat og 15,000 pesos cash prize samtang 2nd prize ang hulagway nga “Kung Kaya Mo, Kaya Ko” ni Jason Daquigan diin sya makakuha og 10,000 pesos cash prize.
Dugang niini, nakuha ni Henry Doctolero ang 3rd prize nga adunay 5,000 pesos cash prize diin ang iyang hulagway adunay titulong “Shout for Joy” samtang “Ato Ni” ni Cherry Mae Calope ang gideklarang Mayor’s choice sa maong photo contest diin si Calope makadawat og 3,000 pesos.
Tulo ka mga judges ang mipili sa mga hulagway gikan sa 70 entries base sa criteria sa maong contest nga mao ang Creativity (30 percent), Composition (30 percent), Originality (30 percent) ug Relevance to the Theme (10 percent).
Samtang gianunsyo usab ang Runners-up nga makadawat og 1,500 pesos ang matag usa kanila nga sila, Julianne Nacional, Carlos Ng, Laarni Pillo, Jerson Flores, Bouchard Prado, Eduardo Flores, Jr., Climaco Cane, Cherry Mae Calope, Debbie Faye Selga, Joselito Parantar, Jr., Jan Michael Paradilla, Erol Avanoglu, Mark Anthony San, Joshua James Antiampo ug Jason Daquigan.
Matud sa CIO, ang mga mananaug i-notify pinaagi sa text message o email kung kanus-a ug unsaon pag claim sa ilang prize.
RadyoMaN Renz Barbarona
