*Dear 2 Lolo’s,*
*Lisod mahimong ofw labi na ug menyo na ka,* *Kayod didto sa abroad mag-niwang jud ka!* *Okay lang kung ang imong pamilya mosabot…* *Problema lang kung sa imo wa mahimoot.*
*Ako si Dodong Arnel menyo ug usa ka kanhi ofw,* *Dugay ko nag trabaho sa abroad ug lisod kaayo…* *Akong gi-antos ang mga katuigan sa gawas…* *Pero way tigom ang asawa, kwarta puro lang awas.*
*Sa akong bana-bana sobra ang akong gaipadala,* *Ambot nga wa man ju`y na save ang akong asawa!* *Sige lang ingon nga hurot wa na s`yay kwarta…* *Di ko kasabot kay halos wa nay mabilin para sa akoa.*
*Ni abroad ko nga susama two lolos sa ubang mga bana…* *Nga dapat mangita ug pamaagi nga mo-asenso ang pamilya! * *Unya karon balay gani namo wa pa jud nahuman…* *Nga ako man ning gibudgetan pagpadala kada bulan.*
*Matud pa sa among mga silingan nga tabian,* *Kining akoang asawa hilig na daw maglakwatsa!* *Maglakwatsa pirmi kauban ang iyang mga amega,* *Mura daw ug milyonarya kung kini sila mag-gastuha.*
*Akong mga anak murag way mga kaon,* *Ultimo ilang pang-adlaw-adlaw nga baon,* *Sud-an ug kalan-on mantinir lang intawon,* *Bahaw nga kan-on ang kaunon sa kabuntagon.*
*Abi nakog mahayahay gamay kong mo abroad,* *Nisamot man hinoon ang pagdahik sa kalisod, * *Naunsa man pud ning akong asawang feeling sapian!* *Murag wa ma-anad sa mga panahon nga wa mi sud-an.*
*Karong naa pa koy nahibaloan nga tsismis,* *Ako kining sutaon ug ipangutana sa akoang misis.* *Nga naa siyay uyab-uyab nga taxi driver…* *Sus! ang kanahan namili pag sweet lover.*
*Unsaon nako pag kompronta akong asawa,* *Nga sobra raba kaayo ni ka tigre ug maldita!* *Tabangi ko ninyo mga idol ining butanga,* *Kay basin byaan ko sa akoang gwapa nga asawa.*
*Daghang Salamat*
*Dodong Edmar*
*Mga idol pwede ninyong e comment ang inyong tambag kang dodong Edmar* *para mabasa nato sa on-air sa 99.1 iFM CDO, Comment na*!
