*Dear 2 Lolo’s*
*Ang kinabuhi usahay lisod, dili hapsay*
*Bisang unsaon kinig bansay-bansay*
*Usahay di nimo matag-an ug molihay*
*Di masagang ug igo nalang magmahay.*
*Ako si Margie 50 years old ug byuda,*
*Nakahimamat kog lalaki nga bata pa!*
*Usa Tuig gikan nawala akong asawa…*
*Unsa mani nga ni gilok murag kigwa.*
*Naamigo nako siya sa sikat nga Facebook*
*Abi ninyo, Single pa siya ug medyo tambok…*
*Batan-on kaayo, 20 anyos ug hitsuraan…*
*Hilig pa kini mag gara-gara pero boutan.*
*Akong gipangita nga usa kalalaki…*
*Makauban unta nako kay ako lonely!*
*Pastilan kining akong dughan…*
*Mura man kog gi-dula-dulaan.*
*Palangga ko niya, mahal pud daw…*
*Ako kining nabati gikan kaniya,*
*Uban man pirmi bisan ug lugaw…*
*Lugaw ang pamahaw paborito niya…*
*Karon akong mga anak wa juy gusto,*
*Sobra daw ka banatan-on akong trato!*
*Okay unta tong medyo hingkod na…*
*Kay para sa ila, murag ilang papa.*
*Di nako mabut-an akong kasing-kasing,*
*Bisang unsaon nakog siging-siging!*
*Grabe! nadutlan jud ko ug gugma…*
*Ug wa nako kini gipaabot ug damha.*
*Kusog pa mo kuraw kining lakiha…*
*Usahay di na jud nako ma-agwanta!*
*Batan-on pa man gud ug paspas pa…*
*Labi na jud ug estoryahan ang gugma.*
*Ang akong problema mga idol karon,*
*Unsa kaha ang mahitabo sa amo puhon…*
*Mo dugay kaha mi nga di mn mi parison!*
*Sakit akong dughan Tambagi intawon ko ninyo mga igsoon…*
*Daghang Salamat,*
*Inday Margie*
*Para sa inyong Komento ug suhestyon e koment lang sa ilalom.*
