*Hulbot Sinaw*
*Kaming mga lalaki pagmakabantay, likay*
*Kay basin nay mahitabo, ayha magmahay*
*Pero usahay, kita di jud kabantay ug kalikay*
*Labi na sa babae nga tam-is murag kalamay!*
*Ako diay si dodong angelo, edad nako 28*
*Usa ka amahan, amahan sa duha ka bata*
*Akoang asawa, uyab nako since college pa*
*Ug kalooy sa Diyos kami jud ang nagdayon duha.*
*Maayo ang amoang pamuyo sa akong asawa*
*Kay nagkasinabot man ming niining duha*
*Sa kwarta walay mag away, kay sweldado ming duha*
*Bahin-bahin sa galastuhan sa among pamilya.*
*Pero sa dihang ako niapil ug birthday party mga lodi*
*Akong nahimamat ang akong ex sa party*
*Syempre wa ko kalikay kay party man lagi*
*Ug nagpakita kinig motibo didto sa party.*
*Ako nilikay sa iyang mga pag flirt diri kanako*
*Kay di ko gusto nga basin unsay mahitabo*
*Akoang gilikayan ang iyang mga langi-langi*
*Kay basin asa na pud ni mopadulong lagi.*
*Iya kong gi message sa facebook mga lodi*
*Wa nako siya pansina ug wa kini balosi*
*Gi block nako siya mga lodi sa akoang fb*
*Ug wa na kini nagsinamok sa akoa lodi.*
*Hangtud nga naay nag text nako sa akoang cp*
*Ayay! ang kanahan, akong ex man diay mga lodi*
*Matud pa niya nga mag kita daw mi niini*
*Ug gi delete dayon nako ang text ni mga lodi*
*Usahay manawag kini kanako dayon dagan ko sa C.R.*
*Natingala akoang asawa ka cge ko balik balik sa C.R.*
*Ingon ko nga ga LBM ko busa ko gabalik-balik sa C.R.*
*Hangtud nga nagkita jud mi sa akoang ex mga lodi.*
*Wa ko kasagang ug wa na ko kalikay sa panghitabo*
*Kay mura kog nalukong sa iyang gusto mahitabo*
*Karon nalukong jud ko sa akoang ex ug naay nahitabo*
*Nahitabo kanamo ang di dapat mahitabi sa usa kaminyo.*
*Sukad ato mura nakog mabuang-buang mga lodi*
*Di nako maka concentrate sa akoang trabaho pirmi*
*Hadlok ko nga masapon sa akong asawa mga lodi*
*Unsay akoang buhaton karon nga nabulasot ko lodi.*
*Unya sigeg tawag kanako ang akoang ex mga lodi*
*Sige syag pangimbita nga magkita daw kami.*
*Sobra man gud ni sya ka sexy ang akoang ex mga lodi*
*Busa ako nadala jud sa iyang mga karisma mga lodi.*
*Gamay na lang nga rekisa sa akoang asawa*
*Basin makatug-an nako niya sa problema*
*Tabangi ko ninyo mga lodi niining problemaha*
*Kay mahadlok ko nga masapon sa akoang asawa.*
*Daghang Salamat*
*Dodong Angelo*
*Mga idol, e text na ang inyong mga reaksyon, komento ug suhistyon sa 0905-523-2095*
