Davao City- Giberipika sa mga kapulisan ang giingong post sa biktimang model-negosyante sa iyahang Facebook account nga aduna kiniy hulga sa kinabuhi.
Sumala ni Police Major Michael Uyanguren, Tugbok Police Station Commander, gipalawman pa nila ang imbestigasyon sa pagpusil patay sa wala pa mailang mga gun man sa 38 anyos nga biktimang si Yvonette Plaza.
Gibutyag ni Uyanguren, adunay post usab ang biktima nga ginakulata kini sa giingong uyab diin lakip kini sa ilahang tukion.
Matud niini personal grudge ug robbery ang gilantaw nila nga motibo sa pagpusil patay.
Blangko pa ang kapulisan sa identity sa mga suspek nga nisibat gilayon sa crime scene.
Wala nay kinabuhi ang biktima dihang naabtan sa mga responders ug pulis gawas sa gate sa girentahan niining balay sa may Prk 18, Buttercup St. Corner Bluebell St.,Green Meadows, Brgy. Sto Niño, Tugbok District Davao City.
RadyoMaN Aimee Guinita
Facebook Comments
