Nakaalerto karon ang kapolisan sa Iligan City gumikan sa hulga sa usa ka plano sa terrosismo nga nag apil usab sa Cotabato City.
Apan matud pa ni Iligan police director Senior Supt. Leony Roy Ga nga ang maong hulga ang dili na bag-o. Dugang pa niini nga dugang ng ginahulga ang Iligan sugod pa sa nahitabong atake sa Marawi City niatong niaging tuig.
Apan bisan pa man ang wala pa nakompirma ang maong hulga seryoso gihapon kini nga gikonsiderar sa maong opisyal
Nagsugod ang maong hulga sa dihang migawas ang balita nga nag-ingon si Al Haj Murad Ibrahim sa Moro Islamisc Liberation Front nga adunay hulga ug nga nagpadayon ang recruitment ug pag regroup ang maong mga teroristang grupo.
Matud pa ni Ga nga kontrolado sa mga kapolisan ang Iligan City ug daghan pang mga checkpoints ang ilang gibutang sa Lanao del Sur nga nag-apil pa sa ubay ubay nga mga mobile inspections.
Aduna na usab kunoy moabot sa 50 ka polis ang matud pa nakaandam idugang sa pwersa sa Iligan gikan Camp Alagar.
