Malabon City – Arestado ang apat na tulak ng iligal na droga sa isinagawang buy-bust operation sa Malabon City.
Kinilala ang mga nadakip na sina Christian Camacho, Jilbert Molina, Christian Arcilla at ang 17-anyos na tricycle driver.
Unang ikinasa ang operasyon laban kina Camacho at Molina sa harap ng Del Monte Cockpit Arena sa Barangay Potrero.
Nang iabot na ng mga suspek ang isang 5 gramo na sachet ng shabu sa poseur-buyer ay agad silang inaresto at narekober pa sa mga kanila ang buy-bust money na P2,000 at 12 piraso ng boodle money.
Dinakip din ng mga operatiba sina Arcilla at ang binatilyo nang makuhanan ng tig-isang sachet ng shabu na aabot sa P50,000.00 ang halaga.
Facebook Comments
