Taguig City – Arestado ang dalawang drug suspek matapos mahulihan ng iligal na droga sa Purok 7 PNR site, Western Bicutan,Taguig City.
Kinilala ang mga suspek na sina Karl Patrick Barile at Jing Lanojan, kapwa residente sa nabanggit na lugar.
Ayon sa PCP 1 ng Taguig PNP, isang concern citizen ang nag sumbong kaugnay sa ginagawang drug pot session.
Nagpositibo ang sumbong at inabutang naka-kumpol ang nasa walong mga suspek sa nabanggit na lugar.
Sinubukan pang tumakas ng mga suspek at nang magka-habulan, dito naaresto sina Barile at Lanojan kung saan patuloy na pinaghahanap ang mga kasamahan nito.
Nasa dalawang pakete naman ng shabu ang narekober ng mga otoridad sa mga nasakoteng suspek.
Facebook Comments
