Malabon – Arestado ang isang lalaking itinuturong suspek sa panghoholdap at pagnanakaw ng motorsiklo sa Malabon City.
Kinilala ang suspek na si Kenneth Concepcion alyas Macmac, 27-anyos, residente ng San Jose del Monte sa Bulacan.
Ayon sa Malabon PNP, pinara si Concepcion ng kanilang mga pulis sa isang checkpoint dahil wala itong suot na helmet habang nagmamaneho ng motorsiklo.
Nang kapkapan ay doon na nakumpiska mula sa suspek ang isang baril.
Agad siyang dinala sa himpilan ng Malabon City Police kung saan napag-alaman na suspek pala ito sa pagnanakaw ng motorsiklo at maging ng panghoholdap.
Itinanggi naman ni Concepcion ang bintang ng pangangarnap ng motor pero inamin niya na isa siyang holdaper.
Facebook Comments
