Altavas, Aklan – Magapangatubang sang kaso nga pagbayolar sa R.A. 9165 ukon Comprehensive Dangerous Drugs Act of 2002 ang isa ka kusinero (assistant cook) matapos makuhaan sang isa ka sachet sang suspected shabu sa isa ka police checkpoint sa Brgy. Lupo, Altavas, Aklan sang nagligad nga Mayo 5.
Ginkilala ang suspek kay Ronel Andres y Vipinoso, 24-anyos, kusinero sa isla sang Boracay kag residente sang Brgy. Igang, Jamindan, Capiz.
Suno sa impormasyon, nagikan sa Brgy. Caticlan, Malay, Aklan si Andres sa diin pag-agi sini sa checkpoint sa may Brgy. Lupo, ini ang ginpangitaan sang lisensya apang dimalas nga nahulog ang isa ka plastic sachet sang ginasuspetsahan shabu. Nagapabilin naman sa lock up cell sang Altavas Municipal Police station ang nasambit nga persona.
Via- RMN Kalibo
